DILG SAN NARCISO, NAGBIGAY-GABAY SA DTC NG SAN NARCISO UPANG MAKALIKHA NG PLANO TUNGO SA GANAP NA DEBOLUSYON
- Details
- Written by DILG Zambales
- Category: NEWS AND EVENTS
- Hits: 433
Ang Kagawaran ng Interyor at Pamahalaang Lokal (DILG) ng San Narciso— katuwang ang tanggapan ng Punong Bayan ng San Narciso — ay nag-sagawa ng isang gawaing naglalayong makapagbigay ng tulong teknikal sa Devolution Transition Committee (DTC) noong ika-29 ng Setyembre taong 2021 sa pamamagitan ng Zoom Cloud Meetings application.
Ang gawain ay alinsunod sa Supreme Court ruling ukol sa Mandanas-Garcia petitions, Executive Order No. 138 series of 2021, at ng Joint Memorandum Circular No. 1 s. ng Kagawaran ng Badyet at Pamamahala (DBM) at DILG na pawang nag-uudyok ng ganap na debolusyon ng mga tungkulin, serbisyo at pasilidad mula sa mga ahensya ng gobyerno tungo sa mga pamahalaang lokal.
Sa nasabing gawain, isa-isang ipinakita ng mga miyembro ng San Narciso DTC at sinuri ni Municipal Local Government Operations Officer Dan Esteban ang mga bahagi ng kanilang Devolution Transition Plan (DTP), mula sa imbentaryo ng mga tungkuling ganap na ipapasa sa lokal na pamahalaan, pagpapanahon sa tungkuling ganap na aakuin sa loob ng taon 2022-2024, mga inisyatibang magpapatibay sa kapasidad at mga mungkahing rebisyon sa istraktura ng organisasyon. Bukod dito, tinalakay rin ng DTC at ng DILG ang pagsusuri sa pagtataya ng local revenue na siyang magiging kasangkapan sa pagpaplano ng lokal na pamahalaan na mapangasiwaan ang mga pondo at mabigyang solusyon ang fiscal gap mula sa National Tax Allocation (NTA)na dulot ng pandemic .
Nakatakdang magpasa ang lahat ng bayan ng kani-kanilang DTP pagkatapos ng siyamnapung (90) araw matapos maibaba ang DILG-DBM JMC No 1 s. 2021. Patuloy ang pagtatasa ng San Narciso DTC sa kanilang plano upang patuloy na matamasa ng kanilang nasasakupan ang mga serbisyong nakatakdang i-atang sa balikat ng mga pamahalaang lokal.
Isinulat ni: LGOO VI Dan A. Esteban
ANIM NA BENEPISYARYONG BARANGAY NG ZAMBALES PARA SA 2022 SBDP, SUMAILALIM SA ISANG PANLALAWIGANG ORYENTASYON
- Details
- Written by DILG Zambales
- Category: NEWS AND EVENTS
- Hits: 532
Ang Kagawaran ng Interyor at Pamahalaang Lokal (DILG) ng Zambales, sa pamumuno ni Direktor Armi V. Bactad, CESO V ay nagsagawa ng isang panlalawigang oryentasyon upang matulungan ang anim (6) na barangay ng Zambales — na itinalagang mga benepisyaryo ng Support to Barangay Development Program (SBDP) para sa taong 2022 — sa paghahanda ng kani-kanilang listahan ng mga prayoridad na proyekto noong Setyembre 20, 2021, 2:00 NH, gamit ang zoom meeting application.
Ang nasabing oryentasyon ay naglalayong matulungan ang mga benepisyaryong barangay— Cabatuan, Maguisguis, Nacolcol, Poonbato, at Villar ng Bayan ng Botolan at Barangay Guisguis ng Bayan ng Sta. Cruz — sa pagsasaayos ng kanilang listahan ng mga prayoridad na proyekto na siyang tutugon sa isyu sa kanilang mga nasasakupan — na pawang nakapaloob sa kani-kanilang mga Barangay Development Program.
Ang gawain ay dinaluhan ng iilang kawani ng lokal na pamahalaan ng mga Bayan ng Botolan at Sta. Cruz, mga Punong Barangay ng mga nasabing barangay, mga kawani ng Kagawaran ng Interyor at Pamahalaang Lokal mula sa pangrehiyong at panglalawigang tanggapan, at mga Municipal Local Government Operations Officers (MLGOOs) ng nasabing bayan.
ZAMBALES PPOC, PADAC, PTF ELCAC, MULING NAGTIPON UPANG PAIGTINGIN ANG KAPAYAPAAN AT KAAYUSAN SA PANAHON NG PANDEMYA
- Details
- Written by DILG Zambales
- Category: NEWS AND EVENTS
- Hits: 471
Sa pangunguna ni Gobernador Hermogenes E. Ebdane, Jr., pinuno ng Provincial Peace and Order Council (PPOC), Provincial Anti-Drug Abuse Council (PADAC) at Provincial Task Force to End Local Communist Armed Conflict (PTF-ELCAC) ng lalawigan ng Zambales, katuwang ang Kagawaran ng Interyor at Pamahalaang Lokal (DILG)-Zambales na pinamumunuan ni Direktor Armi V. Bactad, matagumpay na naidaos ang pagpupulong ng tatlong (3) konseho para sa ikatlong kwarter ng taon, ngayong Setyembre 16, 2021 gamit ang zoom application upang talakayin ang sitwasyon at mga hakbangin para sa peace and order and safety ng lalawigan.
Ang pagpupulong ay dinaluhan ng mga miyembro ng tatlong konseho na binubuo ng mga nasyonal na ahensya, mga punong bayan ng labintatlong (13) munisipalidad sa Zambales, mga pinuno ng kagawaran ng lokal na pamahalaan ng lalawigan at mga Civil Society Organizations (CSOs).
Sa kanyang mensahe, ipinaabot ni Gobernador Ebdane ang kanyang patuloy na pagsuporta sa mga hakbangin ng mga stakeholders sa pagpapanatili ng kapayapaan at kaayusan sa lalawigan ng Zambales, gayundin sa pagsasaayos ng mga polisiya tungkol sa pangangasiwa ng lalawigan kontra sa paglaganap ng COVID-19.