| BATAAN LOCAL OFFICIALS MASTERLIST |
| Local Chief Executives (2019-2021) |
| Sanggunian Members (2019-2021) |
| Barangay Officials (2018-2020) |
Sa bawat tunog ng sirena, may mensahe ng seguridad. Sa bawat pag-ikot ng gulong, may pangakong mabilis na aksyon. Para sa bayan ng Pilar, Bataan, ang bagong patrol vehicle ay hindi lang isang sasakyan—ito ay isang simbolo ng proteksyon, malasakit, at epektibong serbisyo publiko.
Sa pamamagitan ng Seal of Good Local Governance Incentive Fund (SGLGIF) 2023, naisakatuparan ang pagbili ng bagong mobile patrol service vehicle na nagkakahalaga ng P1.8 milyon. Isang makabuluhang hakbang ito para sa mas mabilis na pagresponde sa mga emergency, krimen, sakuna, at pangangailangan ng tinatayang 46,239 na residente ng Pilar.
Ayon kay Mayor Charlie Pizarro Jr., mahalaga ang papel ng sasakyang ito sa pang-araw-araw na operasyon ng lokal na pamahalaan.
“Ito pong binili naming patrol vehicle ay nagagamit po namin ngayon lalo na sa disaster, sa pagtulong sa mga naapektuhan ng mga bagyo at iba pa. Pagpapatrolya sa aming bayan at napakarami pong gamit na nagagawa ng sasakyang ito na naibigay na tulong sa amin,” ani ng alkalde.
Para naman kay Louie Mallari, isang driver ng munisipyo, ramdam niya ang malaking ginhawang hatid ng sasakyan sa kanilang serbisyo.
“Malaki ang pakinabang ng sasakyang ito dahil nagagamit po namin ito sa mga disasters sa mabilis na paraan ng pagresponde at nagagamit rin po namin ito sa patrolling at road clearing maging sa service ng munisipyo.”
Ngunit higit sa isang patrol vehicle, ito ay isang patunay na ang responsableng pamamahala ay may konkretong epekto sa buhay ng mamamayan. Sa bawat paglalakbay nito sa lansangan, dala nito ang pangakong proteksyon, mabilis na aksyon, at patuloy na paglilingkod sa bawat Pilipinong nangangailangan.
Dahil sa epektibong pamumuno at pagkakaisa ng komunidad, patuloy ang pag-arangkada ng progreso sa Pilar—isang bayan na mas ligtas, mas maayos, at mas handa sa anumang hamon.
| PROVINCIAL DIRECTOR'S MESSAGE |
