Ipinagdiwang ngayong araw ang ika-126 na anibersaryo ng Araw ng Kalayaan ng Pilipinas na may temang “Kalayaan. Kinabukasan. Kasaysayan.” sa makasaysayang simbahan ng Barasoain, Lungsod ng Malolos.
Read more: DILG BULACAN, NAKIISA SA IKA-26 ANIBERSARYO NG PROKLAMASYON NG KALAYAAN NG PILIPINAS
Sumailalim sa ehekutibong kurso ng Incident Command System (ICS) ang mga lokal na opisyal ng lalawigan, pinuno ng mga departamento, at mga miyembro ng PDRRMC nang ika-11 ng Hunyo sa Lungsod ng Malolos, Bulacan. Kabilang sa mga paksang tinalakay ay ang panimula ukol sa ICS, organisasyon at mga pasilidad sa ICS, epektibong pamamahala sa mga planadong pagtitipon at mga insidente at ang mga pangkariwang responsibilidad ng mga ICS practitioners.
Opisyal nang magagamit ang isang pick-up electric rescue vehicle ng bayan ng Doña Remedios Trinidad, matapos itong pormal na pasinayaan ngayong araw, ika-7 ng Hunyo 2024. Ang proyektong ito ay insentibo ng lokal na pamahalaan sa pagpasa sa Seal of Good Local Governance (SGLG) 2023, na nagkakahalaga ng 1,800,000 piso.
Ang nasabing pasinaya ay dinaluhan nina Regional Director Atty. Anthony C. Nuyda, CESO III, Provincial Director Myrvi Apostol-Fabia, CESO V, Punong Bayan Igg. Ronaldo T. Flores, Bise Alkalde Igg. Marita L. Flores, MLGOO Maria Christine De Leon, mga pinuno ng iba't-ibang departamento at mga kawani ng lokal na pamahalaan.
Ngayong araw, isinagawa ng DILG Bulacan LFP Team ang masusing inspeksyon sa proyektong "Upgrading of Farm-to-Market Road in Brgy. Borol 1st, Balagtas " na nagkakahalaga ng 6,606,882.17 milyong piso. Ito ay pinondohan sa ilalim ng F.Y. 2023 Support to the Barangay Development Program (SBDP).
Ang inspeksyon ay bahagi ng patuloy na pagtutok ng DILG sa pagpapatupad ng mga proyektong naglalayong mapabuti ang kalagayan ng mga kalsadang pang-agrikultura sa bayan ng Balagtas.
Nakipagpulong si PD Myrvi Apostol-Fabia sa Panlalawigang Liga ng mga Barangay sa pangunguna ni Bokal Ramil Capistrano ngayong araw para talakayin ang mga programa ng Departamento tulad ng Barangay Road Clearing Operations (BarCO), Kalinisan sa Bagong Pilipinas Program, Halina’t Magtanim ng Prutas at Gulay (HAPAG), Barangay Drug Clearing Program (BDCP) at iba pang mga programa para sa mga barangay ng lalawigan.
Ang pagpupulong din na ito ang naging daan upang lalo pang palakasin ang ugnayan sa pagitan ng Liga ng mga Barangay at ng Departamento.
