Camiling, Tarlac - Idinaos ang inagurasyon ng proyekto ng FY 2023 Seal of Good Local Governance - Incentive Fund (SGLG-IF) sa lokal na pamahalaan ng Camiling ngayong araw.
Ang naturang proyekto ay inisyatibo ni Mayor Erlon C. Agustin para sa kaayusan ng Barangay Cayasan at Barangay Birbira, ito ay ang konkretong daan na pagpapatuloy ng proyekto ng SGLG-IF noong taong 2022.
Lubos ang pasasalamat ni Mayor Erlon C. Agustin sa Kagawaran ng Interyor at Pamahalaang Lokal o DILG sa kanilang natanggap na karangalan matapos kilalanin bilang TOP 5 sa mga naunang natapos na proyekto sa ilalim ng FY 2023 Seal of Good Local Governance sa buong bansa.
Ang naturang inagurasyon ay dinaluhan ng DILG Regional Office III sa pamumuno ni DILG Regional Director Atty. Anthony C. Nuyda, CESO III, DILG Tarlac sa pamumuno ni DILG Provincial Director Armi V. Bactad, CESO V, at ng lokal na pamahalaan ng Camiling.
