- Details
- Written by DILG Nueva Ecija
- Category: Uncategorised
- Hits: 597
Nobyembre 27, 2024 - Pinasinayaan ng Lokal na Yunit ng Pamahalaan ng Nampicuan, Lalawigan ng Nueva Ecija, ang proyektong “Installation of Solar Streetlights” sa kahabaan ng South Central Poblacion, North Poblacion, Southwest Poblacion, at West Central Poblacion. Ito ay naisakatuparan sa pamamagitan ng Php 1,800,000.00 na insentibong nakamit ng munisipalidad mula sa pagpasa sa Seal of Good Local Governance ng taong 2023.
Ang inagurasyon ay pinangunahan nina Punong Bayan Kgg. Victor M. Badar at Pangalawang Punong Bayan Kgg. Remedios T. Badar ng Nampicuan. Ito rin ay dinaluhan ng Panlalawigang Patnugot, Kagawaran ng Interyor at Pamahalaang Lokal ng Nueva Ecija, Atty. Ofelio A. Tactac, Jr., CESO V.
Ang dalawampu't limang bagong solar street lights ay magbibigay ng mas maliwanag at mas ligtas na daan hindi lamang para sa mga mamamayan ng Nampicuan kundi pati na rin sa mga nagdaraang motorista sa bayan.
