- Details
- Written by DILG Bulacan
- Category: Uncategorised
- Hits: 1623
LUNGSOD NG MALOLOS | Sa pagsisimula ng buwan ng Pebrero, ang Provincial Peace and Order Council (PPOC), Provincial Anti-Drug Abuse Council (PADAC) at Provincial Task Force to End Local Communist Armed Conflict (PTF-ELCAC) ay sama-samang nagpulong ngayong ika-1 ng Pebrero para sa unang sangkapat ng taon sa Pavilion, Hiyas ng Bulacan Convention Center.
Sentro sa talakayan ang paparating na mga hamon upang mapanatili ang kapayapaan sa lalawigan ngayong bagong taon. Maliban sa pagbibigay ng mga naging katagumpayan noong 2023, ipinakita ng PNP Bulacan, PDEA Bulacan, 70th Infantry Battalion ng AFP, at DILG Bulacan ang mga kinakailangang hakbangin upang ipagpatuloy ang mga programang pangkapayaan at kaayusan.
Sa hamon na madagdagan ang mga drug cleared barangay ng lalawigan, idinetalye ang sama-samang pagtutulungan ng PDEA, DILG, ibang mga Law Enforcement Agencies, partikular ng mga lokal na pamahalaan, upang mas marepaso ang prosesong pagdaraanan ng mga barangay sa Drug Clearing Program. Inihayag rin ang mga rekomendasyong pagsasabatas ng mga lokal na ordinansang tutugon sa kaayusan ng batas trapiko sa lalawigan. Binigyang pansin naman ng DILG ang paghahanda sa mga LGUs sa mga paparating na pagtatasang susukat sa kanilang kakayahang magbigay ng ligtas at payapang komunidad.
Sa kanyang mensahe, pinasalamatan ni Gov. Daniel Fernando ang patuloy na suportang ibinibigay ng bawat kasapi ng konseho sa mga programa ng Pamahalaang Panlalawigan. Kaniyang binigyang diin ang kinakailangang pagkakaisa ng nasyunal at lokal na pamahalaan sa pagpapanatili ng kapayapaan sa kabila ng mga kaunlarang planong isasakatuparan sa Lalawigan ng Bulacan. Sa huli ay kaniyang tinanggap ang mga pagkilala ng DILG sa mahusay na pagganap ng Provincial Council for the Protection of Children (PCPC), Provincial Committee on Anti-Trafficking and Violence Against Women and Children (PCAT-VAWC) at ang pagkamit ng Seal of Good Local Governance (SGLG) nang nagdaang taon.
- Details
- Written by DILG Bulacan
- Category: Uncategorised
- Hits: 1815
LUNGSOD NG MALOLOS | Opisyal na inilunsad ang unang serye ng “DILG Konek” ng DILG Bulacan ngayong araw, Enero 26, 2024. Ang programang ito ay ang magsisilbing panlalawigang pagpupulong na gaganapin kada buwan ng taon na naglalayong talakayin at mabigyang pansin ang mga programa, proyekto at mga kaganapan sa Departamento kasabay ng pagpapaigting ng ugnayan sa mga lungsod at bayan ng lalawigan. Ang unang serye ay dinaluhan ng mga kawani mula sa Panlalawigang Tanggapan, mga Pook Tagapagpakilos sa mga Lungsod at Bayan ng Lalawigan (C/MLGOOs) at mga kawani mula sa Pamahalaang Lungsod ng Malolos.
Ang nasabing gawain ay naging daan upang mabigyang linaw ang mga kaganapan at direksyong tatahakin ng buong tanggapan patungkol sa mga paparating na gawain na may kaugnayan sa Kagawaran sa unang sangkapat ng taon.
Sa kanyang mensahe, pinasalamatan ni Panlalawigang Patnugot Myrvi Apostol-Fabia, CESO V ang mga kawani ng kagawaran sa kanilang walang sawang pagtugon sa pangangailangan upang mapaganda at mapabuti ang kalagayan ng mga lokal na pamahalaan at nasasakupan nito. Kasabay nito, hinamon ni PD Fabia ang mga kawani na maging handa muli sa mga paparating na mga pagtatasa sa unang sangkapat ng taon.
Sa aktibidad ay binigyang pagkilala ang mga natatanging inobasyon ng mga City/Municipal Local Government Operations Officers, kasabay ng pakilala sa mga natatanging pagganap at mahusay na pangangasiwa sa mga programa at proyekto ng Kagawaran, na sina:
1. LGOO VI Myrna Reyes (Baliwag City)
2. LGOO VI Lolita Silva (Pandi)
3. LGOO VI Kristine Pesimo (San Miguel)
4. LGOO VI Benedict Pangan (CSJDM)
5. LGOO VI Mary Joy Nabor (Plaridel)
6. LGOO VI Elaine Pagdanganan (Marilao)
7. LGOO VI Ernest Kyle Agay (Norzagaray)
8. LGOO VI Maria Christine De Leon (DRT)
9. LGOO VI Ailyn Bondoc (Guiguinto)
10. LGOO VI Maria Isabelita Cruz (Pulilan) at LGOO VI Jayfie Nasarro (Santa Maria)
Ang naturang pagkilala ay programa sa ilalim ng ALAB, isa sa mga pasilidad ng ALAGWA Bulacan, ang opisyal na Sub-LGRRC ng lalawigan.
- Details
- Written by DILG Bulacan
- Category: Uncategorised
- Hits: 1974
On January 25, 2024, the newly elected LnB Officers in the province headed by Hon. Ramilito B. Capistrano, on his second term as LnB President, took their oath before Bulacan Provincial Governor Daniel R. Fernando.
The said ceremony was witnessed by Vice Governor Alex Castro, DILG Assistant Regional Director Jay Timbreza, DILG Bulacan Provincial Director Myrvi Apostol-Fabia, Provincial Administrator Antonia Constantino, City and Municipal Mayors, LnB Presidents, SK Federation President Casey Estrella Howard, and Provincial Government of Bulacan Department Heads.
- Details
- Written by DILG Bulacan
- Category: Uncategorised
- Hits: 1799
JANUARY 24, 2024 | DILG Bulacan spearheaded the Provincial Roll-Out for Child-Friendly Local Governance Audit (CFLGA) 2023. The said activity was a success, propelled by the Department’s goal to help the cities and municipalities in the province prepare the documentary requirements for the upcoming CFLGA Audit this year.
More than the documentation, DILG Bulacan highlighted that achievement does not only rely on the number of passers; what also matters is the difference and the impact of every program that the Local Government Units (LGUs) implement in order to prioritize the well-being, safety, and development of children. Present in the said orientation are the members of Inter-Agency Monitoring Taskforce (IMTF), P/C/MHOs, P/C/MSWDOs, CSO representatives and other officers from LGUs.
DILG Bulacan conducts this activity not just as a social responsibility but also as an investment for the future generation, as promoting child-friendly communities in the Province is a multi-faceted endeavor that requires collaboration from different sectors of the society.
The said orientation is conducted under LINANG, one of the facilities of ALAGWA Bulacan, the official Sub-LGRRC of the province.
- Details
- Written by DILG Bulacan
- Category: Uncategorised
- Hits: 1839
Sa pinag-isang layunin ng DILG Rehiyon III, Bulacan State University (BSU), Pamahalaang Panlalawigan ng Bulacan, Pambansang Pulisya ng Pilipinas (PNP), Ahensiya ng Pilipinas sa Pagpapatupad ng Batas Laban sa Bawal na Gamot (PDEA), Panlalawigang Tanggapan ng Kalusugan (PHO), at DILG Bulacan na paigtingin ang laban kontra ilegal na droga, nang ika-22 ng Enero, 2024, ay matagumpay na ginanap ang Buhay Ingatan, Droga Ay Ayawan (BIDA) Symposium sa mga mag-aaral mula sa laboratory high school ng BSU.
Sa naturang aktibidad ay nagbahagi ng kaalaman ang mga ahensya ng Pamahalaan ukol sa BIDA program ng pamahalaan. Bukod sa pagpapalaganap ng nasabing adbokasiya sa mga pamahalaang lokal, ang BIDA Symposium ay isa sa mga hakbangin na isinasagawa ng Kagawaran sa mga paaralan at unibersidad upang magbigay ng mas malawak na kaalaman sa mga kabataan ukol sa pagsugpo ng ilegal na droga.
Ang Bulacan State University ay ang ika-7 unibersidad sa rehiyon na ginanapan ng BIDA Symposium ng DILG Rehiyon III at nakatakda rin itong isagawa sa iba pang mga unibersidad sa Gitnang Luzon.
Ang aktibidad na ito ay sa ilalim ng Wahi, isa sa mga pasilidad ng ALAGWA Bulacan, ang opisyal na Sub-LGRRC ng lalawigan.
- Details
- Written by DILG Bulacan
- Category: Uncategorised
- Hits: 1818
LUNGSOD NG MALOLOS | Pinangunahan ngayong araw, ika-23 ng Enero, 2024, ni Pangulong Ferdinand R. Marcos, Jr. ang paggunita sa ika-125 taong anibersaryo ng Unang Republika ng Pilipinas na may temang “Kalayaan. Kinabukasan. Kasaysayan.”
Kabilang sa mga dumalo sa makasaysayang pagdiriwang na ito ay sina Punong Lalawigan Daniel Fernando, Pangulo ng Senado Juan Miguel Zubiri, House Speaker Ferdinand Martin Romualdez, Kalihim Tagapagpaganap Lucas Bersamin, Tagapangulo ng NHCP Emmanuel F. Calairo, Puno ng Kalupunan ng Sandatahang Lakas ng Pilipinas Hen. Romeo S. Brawner, Jr., Pangalawang Punong Lalawigan Alex Castro, Punong Lungsod Christian D. Natividad, mga kongresista at mga opisyal ng lalawigan ng Bulacan.
