Ika-13 ng Setyembre, 2023 ay nagbigay ng teknikal na gabay ang Panlalawigang Tanggapan ng Kagawaran ng Interyor at Pamahalaang Lokal sa bayan ng Calumpit. Sa aktibidad na ito ay nagkaroon ng komprehensibong diskusyon patungkol sa pangkabuuang ideya, pangongolekta ng mga datos at mga gagamiting tools para sa Municipal Water Supply and Sanitation Master Plan (MWSSMP).
Layunin ng gawaing ito na makapagbigay ng tulong at gabay upang mapanatili ang malinis at sapat na suplay ng tubig para sa mga residente ng Calumpit. Ito rin ay naglalayong mas palakasin ang kalidad at epektibidad ng serbisyong publiko sa tubig at sanitasyon ng naturang bayan.
