ika-26 ng Abril, 2024, sinuri ng DILG Bulacan LFP Team ang bagong bili na Ambulansya na may kabuuang halaga na Php 2,500,000.00 sa ilalim ng F.Y. 2023 Financial Assistance to Local Government Units (FALGU) , sa bayan ng Doña Remedios Trinidad.
Sa pamamagitan ng pondo mula sa FALGU, naipagpapatuloy ang hangarin na mapalakas ang kagamitan at serbisyo sa larangan ng pangangalaga sa kalusugan. Ang bagong ambulansya ay magiging katuwang sa agarang pagresponde sa mga aksidente, sakuna, at mga medikal na pangangailangan sa komunidad.
Under the leadership of Provincial Director Myrvi-Apostol Fabia, CESO V, the fourth series of DILG Konek: The Provincial Team Conference held on April 24, 2024 at St. Martin of Tours, Barangay Poblacion, Bocaue, Bulacan. The event showcased a display of Bocaue's finest achievements, including innovative best practices that reflect the municipality's commitment to progress and excellence, attendees had the opportunity to savor Bocaue's diverse culinary offerings like Pancit Alanganin at Sinuso showcasing the rich flavors and culinary traditions, and the presentation of spectacular fluvial parade, a grand celebration that promotes Bocaue's unique charm and identity, drawing attention to its vibrant culture and fostering community pride.
Additionally, the results of the Performace audits were presented which highlighted the effective performance of local government unit in the province across various assessments including LCPC, LCAT-VAWC, LTIA, ADAC, and POC. Furthermore, the event also acknowledged the outstanding performance of the C/MLGOOs (City/Municipal Local Government Operations Officers) of DILG Bulacan for the first quarter of the year.
Bilang pakikiisa sa pagtataguyod ng malinis na kapaligiran sa bawat lokal na pamahalaan, nagtulungan ang Pamahalaang Lungsod ng San Jose Del Monte at DILG sa iginanap na Kalinisan Day National Showcase Barangay sa Brgy. Muzon South, Lungsod ng San Jose Del Monte, Bulacan ngayong araw, ika-20 ng Abril, 2024. Maliban sa sabayang paglilinis, itinampok din ang iba’t ibang programa ng CSJDM na nagpapakita nang buong suporta sa pagpapalakas ng Kalinisan Program. Ibinida nina Mayor Arturo Robes at Cong. Rida Robes ang Proper Gardening gamit ang Recycled Materials, Palit Basura, at Aling Tindera Program na mga karagdagang tugon ng lungsod sa pagpapanatili ng malinis at maayos na pamayanan.
Inilunsad din ng CSJDM ang BASURA NO WAY Program na naglalayong matiyak ang kalinisan ng bawat bahay, opisina, at mga establisyemento para sa isang kaaya-ayang kapaligiran.
Pinangunahan naman ni Usec. Felicito Valmocina, DILG Undersecretary for Barangay Affairs, ang pagdalo sa mga programa ng DILG gaya ng Kalinisan, HAPAG (Halina’t Magtanim ng Prutas at Gulay), BUKAL (Buhayin ang Kalikasan), Road Clearing, at ibang programang pangkapaligiran, kasama ang DILG Rehiyon III, sa pangunguna ni RD Atty. Anthony Nuyda, PD Myrvi Fabia CESO V, mga kasama sa BJMP, BFP, PNP, CSOS, mga opisyal ng lokal na pamahalaan, at mga mamamayan ng barangay Muzon South.
Sa pagpapatuloy nang pagpapalakas ng kakayahan ng mga kawani ng DILG, ginanap ngayong araw, ika-22 ng Abril, 2024, ang “Technical and Administrative Knowledge Enhancement and Sharing (TAKES),” na bahagi ng pasilidad ng ALAGWA sub-LGRRC na “Lakas” ng DILG Bulacan.
Sentro ng talakayan ang ilang mga frontline services na may mga patakarang itinakda ng Quality Management System (QMS) ng Kagawaran. Ito ay hindi lamang paghahanda para sa mga pagtatasa sa hinaharap, ito ay upang magkaroon din ng kasanayan ang lahat ng kawani sa pagganap sa mga serbisyo ng tanggapan.
Nagkaroon din ng pagkakataon na malinang ang bawat kawani ukol sa “Technical Writing” at paghahanda ng mga komunikasyon at korespondensiya gamit ang wikang Filipino.
Sa kanyang mensahe, binigyang-pansin ni PD Myrvi Fabia ang kahalagahan ng kahandaan ng Panlalawigang Tanggapan sa pamamagitan ng pagkakaroon ng sapat na kaalaman sa mga serbisyo ng Kagawaran para sa mga pamahalaang lokal.
Ang aktibidad na T.A.K.E.S ay isang paraan ng tanggapan na ginaganap minsan isang buwan upang matiyak na nagagampanan ng mahusay ang mga trabaho at tungkulin sa tanggapan.
ika-19 ng Abril, 2024 - Sa pangunguna ng DILG Bulacan, isinagawa ang kalibrasyon ng mga estado at datos upang matiyak na ang mga dokumento at impormasyon ay tugma kaugnay sa implementasyon ng Locally Funded Projects sa lalawigan. Ibinahagi sa aktibidad ang tamang proseso ng pagpapatupad ng mga proyekto sa ilalim ng Local Government Support Fund - Financial Assistance to Local Government Units (LGSF-FALGU); Katayuan ng mga proyekto sa ilalim ng LGSF; Kalendaryo ng pagsusumite ng mga ulat; Kalibrasyon ng mga naisumite at kinakailangan dokumento; Resulta ng Local Project Monitoring Committee (LPMC) Functionality Assessment; Estado ng pag-eenroll ng mga proyekto sa subaybayan portal sa ilalim ng FY 2024 Results-Based Monitoring and Evaluation of LGUs Infrastructure Projects (RLIP); at Estado ng Municipal Water Supply and Sanitation Master Plan (MWSSMP) sa lalawigan ng Bulacan. Ang aktibidad ay dinaluhan ng mga kawani mula sa Kagawaran at ilang mga kinatawan mula sa lokal na pamahalaan.
