Details

Written by DILG Bulacan

Category: Uncategorised

Published: 04 March 2024

Hits: 1485

???????????????? ???????????????????????????????????? ???????????????????????????????????? ???????????? ???????????????????????? ???????????????????????? ???????????????????????????????????? ????. ????????????????????????????, ????????., ???????????????????????????????? ???????????? ???????????????????????????????????? ???????? ????????????????????????????
Dumalo si Asec. Florendo M. Bernabe, Jr. sa lingguhang pagtataas ng Watawat ng Pamahalaang Panlalawigan ng Bulacan, ngayong ika-4 ng Marso 2024 na ginanap sa Provincial Capitol Gym, Lungsod ng Malolos, Bulacan. Dumalo rin sa nasabing aktibidad sina DILG Assistant Regional Director Jay Timbreza, Division Chief Lerrie Hernandez, LGOO V Nathan Moral at si DILG Bulacan Provincial Director Myrvi Apostol-Fabia. Sa kanyang mensahe, binati ni Asec. Bernabe ang Pamahalaang Panlalawigan ng Bulacan sa pagkakamit ng Seal of Good Local Governance (SGLG) ng pitong beses at nagbigay ng hamon sa Pamahalaang Panlalawigan na kamtan muli ang SGLG ngayong taon sa ika-walong pagkakataon. Ibinida din ni Asec. Bernabe ang mga pagsisikap na ginagawa ng Kagawaran sa pagtuligsa laban sa ilegal na droga. Hinakayat din nya ang bawat isa na makilahok sa laban kontra ilegal na droga. Nagkaroon din nang pagbabasbas ng mga bagong kagamitan at PPEs ng Provincial Disaster risk Reduction and Management Office.

Ang aktibidad ay sinundan nang pagpupulong na pinangunahan ni Asec Bernabe. Dinaluhan ito ni Executive Assistant Atty. Nikki Coronel, mga Panlalawigang Pinuno at ni PNP Provincial Director PCOL Relly Arnedo. Tinalakay ang mga isyu at alalahanin ng lalawigan ng Bulacan patungkol sa pagpugsa sa ilegal ng droga. Nagbigay din ng paalala si Asec Bernabe patungkol sa Executive Order No. 04 series of 2016 na nagtatakda sa bawat LGUs na magtatag ng Drug Abuse Treatment and Rehabilitation Centers.

Details

Written by DILG Bulacan

Category: Uncategorised

Published: 01 March 2024

Hits: 1438

Sa pagtutulungan ng DILG Bulacan at ng Liga ng mga Barangay (LNB), sinimulan na ngayong linggo, mula ika-26 ng Pebrero hanggang ika-1 ng Marso ng kasalukuyang taon, sa lalawigan ng Bulacan ang pagdaraos ng Barangay Newly Elected Officials (BNEO) towards Grassroots Renewal and Empowerment for Accountable and Transparent (GREAT) Barangays Basic Orientation Course. Ang mga opisyal ng barangay sa mga bayan ng Plaridel, San Miguel, DRT, San Ildefonso, Paombong, at Santa Maria ay sumailalim sa tatlong araw na pagsasanay patungkol sa kanilang mga hahakbanging gampanin bilang mga lingkod bayan.

Ang BNEO GREAT Barangays Basic Orientation Course ay naglalayong palakasin ang kakayahan ng mga bagong halal at itinalagang opisyal sa mga barangay tungo sa mas mabisa at angkop na serbisyo publiko. Ito din ay naglalayong gabayan ang ating mga kawani sa barangay patungo sa mabuting pamamahala. Ang BNEO GREAT ay gaganapin hanggang Marso 2024.

Details

Written by DILG Bulacan

Category: Uncategorised

Published: 29 February 2024

Hits: 1400

Tumungo ngayong araw, ika-29 ng Pebrero, ang Locally Funded Projects (LFP) Team ng DILG Bulacan sa Lungsod ng Malolos upang inspeksyunin ang mga proyektong Health Station sa ilalim ng FY 2023 Support to the Barangay Development Program (SBDP) na may tinatayang 2,000 na benepisyaro, ang proyektong ito ay naglalayong makapagbigay ng pangunahing serbisyong pangkalusugan sa Barangay San Gabriel. Binisita din ang mga proyektong Farm-to-Market Road na matatagpuan sa Barangay Sto. Cristo at Caniogan sa ilalim FY 2023 Financial Assistance to Local Government Units (FALGU). Ang proyektong ito ay upang mapadali ang mga rutang pang-transportasyon, na nagtataguyod ng paglago sa ekonomiya at mas magandang oportunidad sa komunidad.

Ang SBDP at FALGU ay mga programa ng pamahalaan na naglalayong magbigay ng tulong pinansyal sa mga lokal na pamahalaan na maaaring gamitin sa pamamagitan ng pagsasaayos, pagpapatayo at pagsasagawa ng iba’t-ibang uri ng imprastrakturang mayroon malaking papel na ginagampanan sa pagpapaunlad ng ekonomiya at sa pang araw-araw na pamumuhay ng bawat mamamayan.