| BATAAN LOCAL OFFICIALS MASTERLIST |
| Local Chief Executives (2019-2021) |
| Sanggunian Members (2019-2021) |
| Barangay Officials (2018-2020) |
Sa pagsapit ng gabi, ang mga ilaw sa kalsada ng Barangay Sisiman ay nagmistulang mga bituin sa lupa.
Noong Pebrero 1, 2024, nasa mahigit 9,700 na residente ang nabigyan ng liwanag at pag-asa nang pormal na inilunsad ng nasabing barangay ang bagong proyektong solar street lighting sa ilalim ng Support to Barangay Development Program (SBDP).
Bago dumating ang mga solar street lights, ang mga residente ng Barangay Sisiman ay kinakailangan pang magdala ng mga flashlight o d
i kaya'y umasa sa ilaw ng kanilang mga tahanan upang maglakad sa dilim. Ang kawalan ng sapat na ilaw sa kalsada ay nagdudulot ng takot at pangamba, lalo na sa mga nagtatrabaho sa paglubog ng araw at mga estudyanteng kailangang umuwi ng dis-oras ng gabi.
Ayon kay Oscar Alfabate, isang residente, mas maganda nang maglakad sa gabi at nabawasan ang kanilang problema sa seguridad dahil sa maliwanag na daan. Kaya naman malaki ang kaniyang pagpapasalamat sa DILG at national government sa dulot na ginhawa at dagdag na kaligtasan ng nasabing proyekto.
Karagdagan pa, ang paglalagay ng 92 solar street lights ay hindi lamang nagbigay ng liwanag at seguridad kundi nagpakita rin ng pangangalaga sa kalikasan. Ang paggamit ng solar energy ay isang hakbang patungo sa mas malinis na kapaligiran. Sa panahon kung saan ang pagbabago ng klima ay isa sa mga pangunahing suliranin ng mundo, ang Barangay Sisiman ay isang magandang halimbawa ng paggamit ng renewable energy.
Sa bawat ilaw na nagniningning tuwing gabi, tila sinasabi ng Barangay Sisiman na ang bawat hakbang patungo sa pagbabago ay isang hakbang patungo sa mas maliwanag na bukas. Ang kanilang kwento ay isang paalala na ang liwanag ng pag-asa ay laging nandiyan, basta't tayo ay magtutulungan at magkakaisa para sa ikabubuti ng lahat.
| PROVINCIAL DIRECTOR'S MESSAGE |
