Idinaos ang buwanang panlalawigang pagpupulong ngayong araw, ika-21 ng Agosto 2024, sa Multipurpose Building/Apalit Youth Center, DHVSU Apalit Campus, Apalit, Pampanga. Ang tema para sa buwan na ito ay pinamagatang “Bridging Generations in the Digital Age” bilang pagsuporta sa selebrasyon ng Linggo ng Kabataan at International Youth Day na ipinagdiriwang tuwing Agosto.
Prinesenta ng lahat ng mga seksyon ang mga update sa pagsusumite ng mga ulat at pagsubaybay sa mga programa at proyekto ng Kagawaran. Gayundin, binigyang-diin ng mga program officers ang mga paparating na aktibidad at mga ulat bilang paalala at para na rin sa kaalaman ng lahat ng mga field officers.
