LGSF Utilization Status
Sa pamamagitan ng Katuwang sa Diwa at Gawa para sa Masaganang Ani at Mataas na Kita (KADIWA) ng Pangulo, muling naipamalas ng mga magsasaka, iba’t ibang mga kooperatiba, at mga micro, small, and medium enterprises (MSMEs) ng lalawigan ang kanilang mga produkto. Ang KNP ay ginanap ngayong araw, ika-28 ng Abril, taong kasalukuyan, sa Bagong Kapitolyo ng Lalawigan ng Nueva Ecija, Lungsod ng Palayan.
Sa pangunguna ng Panlalawigang Pamahalaan kaagapay ang iba't-ibang ahensya ng pamahalaan, ay patuloy na naisasagawa ang KNP sa lalawigan na nagbibigay ng pagkakataon sa mga magsasaka at MSMEs na madagdagan ang kanilang kita habang nakakabili ng sariwa at kalidad na mga produkto ang mga konsyumer sa mas mababang halaga. Kaya nama’y buwan-buwang inaabangan at dinadaluhan ng mga Novo Ecijanos ang pagdaraos ng KNP.
