Isinagawa ngayong araw ng DILG Bulacan LFP Team ang isang inspekyon sa proyektong “Installation of Solar Streetlights” sa barangay San Jose Patag, Santa Maria, Bulacan. Ang proyektong ito ay pinondohan sa ilalim ng F.Y. 2023 Seal of Good Local Governance Incentive Fund na may kabuuang halaga na Php 1,800,000.00 milyong piso.
Ang paglalagay ng 22 Solar Streetlights ay hindi lamang nagbibigay liwanag at dagdag seguridad sa nasasakupan, bagkus nagpapakita rin ng pagpapahalaga at pangangalaga sa kalikasan tungo sa mas maaliwalas na kapaligiran para sa mga mamamayan ng Santa Maria.
