Enero 6, 2024 - Naging makabuluhan ang unang Sabado ng taon sa pamamagitan nang pakikiisa ng mga Bulakenyo sa pagdaraos ng malawakang clean-up drive sa bawat barangay alinsunod sa “Kalinisan sa Bagong Pilipinas Program” ng bansa.
Sa pagtutulungan ng DILG, mga pamahalaang lokal, partikular ang barangay, NGOs, at iba pang mga tanggapan, ang sabayang paglilinis ay isang paraan upang simulan at itaguyod ang malinis at ligtas na pamayanan para sa bawat mamamayang bulakenyo.
Layunin ng programa na maitaas ang antas ng kamalayan at partisipasyon ng mga mamamayan sa tamang segregasyon ng basura at mahimok ang mga pamahalaang lokal na isulong ang mga proyekto at programang nakatutok ukol sa wastong pangangalaga ng kalikasan.
