Bago sumuong sa mga gampanin bilang mga nahalal na lingkod kabataan, sinimulan na ang pagsasagawa ng Sangguniang Kabataan Mandatory Training (SKMT) sa iba’t-ibang mga lungsod at bayan ng lalawigan ngayong unang linggo ng buwan.
Sa pangunguna ng mga Local Youth Development Officers at DILG Bulacan, hahasain ang mga SK Officials sa Decentralization and Local Governance, SK History and Salient Features, Minutes and Resolutions, Planning and Budgeting, at Code of Conduct and Ethical Standards.
Ang SKMT ay isang pagsasanay na kinakailangang lahukan ng mga bagong halal na SK bago sila manungkulan alinsunod sa Republic Act 10742 o kilala bilang Sangguniang Kabataan Reform Act of 2015.
