Kasabay ng paglulunsad ng Kadiwa ng Pangulo (KNP) sa Lalawigan ng Pampanga na dinaluhan mismo ni Pang. Ferdinand Marcos, Jr., inilunsad din sa Lalawigan ng Aurora sa pangunguna ni Gov. Christian M. Noveras, ang nasabing “National Trade Caravan” noong ika-17 ng Hulyo, 2023, sa Capitol Grounds, Baler, Aurora.
Layunin ng KNP na makapagbenta ng abot kayang produkto sa mga mamamayan at makapagbigay ng magandang kabuhayan sa mga lokal na magsasaka, mangingisda, at mga maliliit na negosyo.
Ang aktibidad na ito ay naisagawa sa pagtutulungan ng Provincial Government ng Aurora, Department of the Interior and Local Government (DILG), Department of Agriculture (DA), Department of Trade and Industry (DTI), Department of Social Welfare and Development (DSWD), at Department of Labor and Employment (DOLE).
Dahil sa tagumpay ng programang ito, at upang mas makatulong pa sa ating mga lokal na producers, ang KNP ay isasagawa na kada buwan sa lalawigan ng Aurora.
