Pagususuri ng FY 2023 SGLG-IF Project sa Santa Ignacia, Pinangunahan ng DILG
- Details
- Written by LGOO V Henrielle Justeene A. Tuliao
- Category: NEWS AND EVENTS
- Hits: 19
Pinangunahan ng DILG Tarlac ang naganap na inspeksyon ngayong araw ng FY 2023 Seal of Good Local Governance Incentive Fund (SGLG-IF) project sa bayan ng Santa Ignacia, Tarlac.
Ang naturang proyekto ay pinamagatang “Concreting of Farm-to-Market Road in Bagalayos Road, Barangay Timmaguab.” Ang pagpapagawa ng kalsada sa mga nasabing barangay ay naglalayong magkaroon ng maayos na access sa mga pangunahing serbisyo, partikular sa sektor ng agrikultura.
Sa pamamagitan ng proyektong ito, inaasahang mapapabuti ang kalidad ng buhay ng mga residente sa nasabing lugar at mas mapapalakas ang kanilang kabuhayan.
Matagumpay na isinagawa ang masusing inspeksyon sa pangunguna ng DILG Tarlac kasama ang mga kinatawan ng lokal na pamahalaan ng Bayan ng Santa Ignacia.
DILG Tarlac, nagdaos ng Site Inspections ng mga Proyektong patungkol sa Konstruksyon ng Kalsada
- Details
- Written by LGOO V Henrielle Justeene A. Tuliao
- Category: NEWS AND EVENTS
- Hits: 20
Ang DILG Tarlac ay nagsagawa ng serye ng mga inspeksyon para sa mga proyektong patungkol sa konstruksyon ng Kalsada ngayong araw. Ang mga inspeksyon na ito ay naglalayong tiyakin ang kalidad ng mga mahahalagang proyektong pang-imprastraktura na magpapahusay sa pag-unlad ng isang bayan.
Nitong Abril 15, 2024 ay nagsagawa ang DILG Tarlac ng komprehensibong inspeksyon para sa FY 2023 Local Government Support Fund – Financial Assistance to Local Government Units (LGSF-FALGU) Construction of Farm-to-Market Road projects sa Barangay San Agustin at Barangay Bularit, Gerona, Tarlac .
Kinahapunan, ang DILG Tarlac LFP Team ay nagsagawa naman ng inspeksyon sa Lokal na Pamahalaan ng Victoria para sa FY 2023 SGLG-IF.
Ang mga naturang inspeksyon ay sumasaklaw sa isang komprehensibong pagsusuri ng mahusay na konstruksiyon, pagsunod sa mga teknikal na detalye, at pagsunod sa mga regulasyon sa kapaligiran at kaligtasan.
2024 LTIA Provincial Table Validation, Isinagawa ng Tarlac PAC
- Details
- Written by DILG Tarlac
- Category: NEWS AND EVENTS
- Hits: 21
Ang Lupong Tagapamayapa Incentives Awards (LTIA) Provincial Assessment Committee (PAC), na pinamumunuan ni Panlalawigang Patnugot Armi V. Bactad, CESO V ay nagsagawa ng Table Validation noong ika-15 ng Abril, 2024 sa DILG Tarlac Provincial Office, upang matiyak ang kalidad ng dokumento ng mga nominadong Barangay para sa tatlong kategorya.
Kasama ni Dir. Bactad, ay sina Regional Trial Court Executive Judge Edwin S. Bonifacio, Department of Justice - Tarlac Provincial Prosecutor Fiscal Cristina S. Lenon, Liga ng mga Barangay President Hon. Jose M. Salting Jr. na kinatawan ni Barangay Kagawad Romeo Ramos, Tarlac Police Provincial Office Provincial Director PCOL. Miguel M. Guzman na kinatawan ni PMAJ Joshua Gonzales, at Bigkis Task Force, Inc. Founder G. Felix Cabugnason na kinatawan ni Bb. Jenna S. Panaligan.
Sinuri ng PAC ang mga means of verification (MOV) na isinumite ng mga City/Municipal Awards Committee. Ang Barangay San Carlos, Tarlac City ang idineklara na panalo para sa kategoriya ng Component City.
Samantala, para sa 1st-3rd Class Municipality na kategoriya, nakuha ng Barangay O’Donnell, Capas ang unang puwesto at sa pangalawa at ikatlong puwesto naman ay ang Barangay New Salem, Gerona at Barangay Camposanto Norte, Moncada.
Bilang karagdagan, ang Barangay Poblacion Norte, San Clemente ang idineklara na panalo para sa 4th-6th Class Municipality na kategoriya, at sinundan naman ng Barangay San Juan, Anao at Barangay Baguindoc, Anao para sa ikalawa at ikatlong puwesto.
Layunin ng LTIA na bigyang insentibo at kilalanin ang mga natatanging Lupong Tagapamayapa na nagpakita ng kahusayan sa pagpapatupad ng Katarungang Pambarangay.