Gabay sa Barangay , inilunsad sa Lalawigan
- Details
- Written by DILG Bulacan
- Category: Uncategorised
- Hits: 1571
Anim (6) na barangays ang sumailalim sa oryentasyon sa ilalim ng proyektong Gabay sa Barangay. Ito ay nilahukan ng mga kinatawan ng mga sumusunod na barangay, kabilang ang:
(1) Brgy. Dulong Malabon, Pulilan;
(2) Brgy. Lambac, Pulilan;
(3) Brgy. Tibag, Pulilan;
(4) Brgy. Balayong, Malolos City;
(5) Brgy. Caniogan, Malolos City; at
(6) Brgy. San Vicente, Malolos City.
Sa pangunguna ng Department of Trade and Industry (DTI), at sa suporta ng Department of the Interior and Local Government (DILG) kasama ang Department of Information and Communications Technology, Department of Science and Technology (DOST) at Pamahalaang Panlalawigang ng Bulacan ay inilunsad ang gabay sa barangay project, sa ilalim ng Multi-Stakeholders Advisory Committee (MSAC) ng lalawigan.
Nakapaloob sa programa ng Gabay sa Barangay ang dalawang komponent o sangkap nito — una, ay nilalayon nitong palakasin ang kapasidad ng mga opisyal ng barangay upang matulungan ang mga M/Small Medium Enterprise sa pagnenegosyo sa kanilang barangay o upang maging business coach o mentor, at ikalawa ay ang pakikiisa ng Philippine Chamber of Commerce and Industry (PCCI) upang tumulong sa aspeto ng pamumuhunan para sa mga magnanais na mamuhunan o magnegosyo sa barangay.
Ngayong taon inaasahan na aabot ng 20 barangays ang magbebenipisyo sa programang ito.
