Nakiisa ang DILG Bulacan, sa pangunguna ng Panlalawigang Patnugot Myrvi Apostol-Fabia, sa pagdalo para sa ika-126 taong Anibersaryo ng Pagbubukas ng Kongreso ng Malolos, na may temang, “Kalayaan. Kinabukasan. Kasaysayan.” na ginanap sa makasaysayang simbahan ng Barasoain.
Sa nasabing aktibidad ay nagbahagi ng talumpati si Gob. Daniel Fernando kung saan ay kaniyang binigyang diin ang kahalagahan ng yugtong ito sa kasaysayan ng Bayan, na siyang nagsisilbing daan upang maipahayag ang ating karapatang mamahala at maging malaya sa ating bansa. Kaniya ring ipinalalahanan ang lahat na kung paano inilaban ng ating mga pinuno ang kalayaan laban sa mga mananakop ay siya ring patuloy na diwa at tapang ng bawat isa na kailangan upang mapagtagumpayan ang bawat hamon sa lalawigan.
