AGOSTO 10, 2023 | Upang mas mapabilis ang implementasyon ng mga proyekto sa ilalim ng Support to Barangay Development (SBDP) at mabigyang kasagutan ang mga katanungan at problema ng mga piling barangay, isinagawa ang pagpupulong patungkol sa pagsusumite ng mga kinakailangang dokumento sa ilalim ng FY 2023 Support to Barangay Development Program. Ang aktibidad na ito ay dinaluhan ng mga kawani mula sa Kagawaran at ilang mga kinatawan mula sa lokal na pamahalaan.
Ang SBDP ay isang programa sa ilalim ng Kautusang Tagapagpaganap Blg. 70 na naglalayong maghatid ng tulong at serbisyo para sa kapayapaan at kaayusan ng mga pamayanan.
