Ika-30 ng Enero, 2025, isinagawa ng DILG Bulacan LFP Team ang inspeksyon sa proyektong “Construction of Farm-to-Market Road” sa barangay Pulong Buhangin, Catmon, Balasing at Buenavista, bayan ng Santa Maria. Ang proyektong ito ay pinondohan sa ilalim ng F.Y. 2023 Financial Assistance to Local Government Units na may kabuuang halaga na Php 30,000,000.00.
Layunin ng proyekto na mapabuti ang daloy ng transportasyon upang mapadali ang pagbiyahe ng mga tao at produkto. Sa pamamagitan ng mas maayos na daan, inaasahang mas magiging mabilis at epektibo ang kalakalan at iba pang gawaing pangkabuhayan, na magdudulot ng pag-unlad sa ekonomiya at komunidad.
