Ika-31 ng Hulyo 2024, isinagawa ng DILG Bulacan LFP Team ang masusing inspeksyon sa proyektong "Construction of MRF" sa barangay Lawang Bato Cacarong Matanda sa bayan ng Pandi. Ito ay pinondohan sa ilalim ng F.Y. 2023 Seal of Good Local Governance Incentive Fund (SGLGIF) na nagkakahalaga ng 1.8 milyong piso.
Layunin ng proyektong ito na mapabuti ang pamamahala ng basura sa komunidad sa pamamagitan ng paghihiwa-hiwalay nito ayon sa kanilang uri. Ito rin ay magandang pagkakataon upang hikayatin ang mga mamamayan ng Pandi na maging responsable sa pagsasaayos ng basura at mapangalagaan ang kapaligiran.
