Print 

Kaisa sa pagbibigay oportunidad sa ating mga kawani na mapangalagaan ang kanilang kalusugan at kapakanan, ang DILG Bataan ay magsasagawa ng mga aktibidad patungkol dito, kasama na rin ang pagbibigay ng munting tulong sa ating ilang mga kababayan.


Kabuhayan ang isa sa pangunahing naapektuhan ng pandemya magmula pa noong nakaraang taon. Dahil dito, ninais ng aming tanggapan na magsagawa ng outreach program sa Brgy. Sibacan sa Lungsod ng Balanga, noong Setyembre 24, 2021.


Sa tulong ni Punong Barangay Dante Leano, barangay council, at LGOO VI Jomar Cruz, CLGOO ng Balanga, ay nakapagbuo tayo ng listahan ng 80 pamilya na mapagbabahagian ng grocery supplies. Karamihan sa mga napili ay pamilya ng mga mangingisda.


Mga kawani ng Panlalawigang Tanggapan ng DILG Bataan at ng Lungsod na Tanggapan ng Balanga ang siyang nagsilbing mga boluntaryo para sa nasabing outreach program.